Максім Вінярскі падчас адбыцця арышту атрымаў яшчэ 10 сутак

Максім Вінярскі падчас адбыцця адміністрацыйнага арышту за Дзень Волі атрымаў яшчэ 10 сутак. На гэты раз актывіста “Еўрапейскай Беларусі” асудзілі за ўдзел у абароне Курапатаў. Пра гэта Радыё Свабода паведаміла актывістка Вольга Мікалайчык, якая выйшла на волю з Акрэсціна. Яна пачула крык Вінярскага, які паведаміў пра новы прысуд. Актывіста вазілі ў суд перад заканчэннем тэрміну за 25 сакавіка.

Максім Вінярскі быў асуджаны 27 сакавіка Першамайскім судом на 8 сутак арышту за “дробнае хуліганства і непадпарадкаванне” і неўзабаве мусіў выйсці на волю.