Мазырскі НПЗ хоча выставіць Расіі рахунак за рамонт сапсаванага абсталявання

Аператыўны рамонт абсталявання ідзе за кошт Мазырскага НПЗ, і невядома, ці магчыма будзе прыцягнуць да адказнасці расійскіх пастаўшчыкоў нафты. Па словах Дзмітрыя Шурпача, цяпер з гэтай сітуацыяй разбіраюцца юрысты:

"Не магу сказаць, за чый кошт будзе рамонт абсталявання, з гэтым цяпер разбіраюцца юрысты. Зараз рамантуем самі, а вось за чый рахунак у выніку будзе "банкет" — гэта ўжо не да мяне. Цалкам магчыма, што можна будзе расіянам выставіць рахунак. Спадзяюся, над гэтым зараз працуюць на дзяржаўным узроўні. Але такой інфармацыяй я не валодаю".

Апошнія некалькі дзён на завод паступае нафта гатунку Urals c высокім утрыманнем хлорарганікі. Гэтая сыравіна валодае павышанай каразійнай актыўнасцю, што і прывяло да сапсаванага абсталяванне. Рабочыя дэмантавалі яго і пачалі рамонт.