Міхаіл Велер: Мне прапаноўвалі пісаць па-беларуску

У межах XVII міжнароднай кніжнай выставы, якая адкрылася сёння ў Мінску сустрэўся са сваімі прыхільнікамі і журналістамі Міхаіл Велер Папулярны расійскі пісьменнік узгадаў часы, калі вучыўся ў школе ў Магілёве і хацеў апублікаваць свае першыя вершы:

Велер: “Калі я вучыўся ў Беларусі, кнігі на беларускай мове ляжалі ў крамах даволі свабодна… Кніг на рускай мове было не дастаць, кнігі на беларускай мове попытам не карысталіся. І калі я ўпершыню пацягнуў вершы ў газету “Знамя юности” ў Мінску, то мне сказалі – вось калі б ты пісаў па-беларуску! У нас не хапае хлопцаў, якія б пісалі па беларуску, а па-руску у нас залежы на 10 год наперад”.

Любімых беларускіх пісьменнікаў Міхаіл Веллер не ўзгадаў і назваў гэта горам асабістай біяграфіі:

Велер: “Гэта гора маёй асабістай біяграфіі – я асабіста, як чамусьці і ўсё маё наваколле незалежна ад нацыянальнасці,да беларускай літаратуры заўсёды ставіўся спакойна”