Дзіцячае "Еўрабачанне" пройдзе сёння ў Мадрыдзе. Зноў без Беларусі

"Дзіцячае Еўрабачанне-2024" пройдзе 16 лістапада ў іспанскім Мадрыдзе. За перамогу ў шоу пазмагаюцца прадстаўнікі 17 краін Еўропы, але сярод удзельнікаў ізноў няма Беларусі, бо рэспубліку выключылі з Еўрапейскага вяшчальнага саюза яшчэ ў 2021 годзе.

Удзельнікі дзіцячага "Еўрабачання-2024"

На сцэну ў Мадрыдзе выйдуць прадстаўнікі 17 краін. Вось спіс удзельнікаў і назвы іх песень:

• Італія: Сімонэ Грандэ - Pigiama Party
• Эстонія: Аннабэль - Tänavad
• Албанія: Nikol Çabeli - Vallëzoj
• Арменія: Leo - Cosmic Friend
• Кіпр: Maria Pissarides - Crystal Waters
• Францыя: Titouan - Comme ci, comme ça
• Паўночная Македонія: Ana & Aleksej - Marathon
• Польшча: Домінік Арым - All Together
• Грузія: Андрыя Путкарадзэ - To My Mom
• Іспанія: Chloe DelaRosa - Como la Lola
• Германія: Bjarne - Save the Best For Us
• Нідэрланды: Stay Tuned - Music
• Сан-Марына: Idols SM - Come noi
• Украіна: Арцём Каценка - DIM
• Партугалія: Вікторыя Ніколь - Esperança
• Ірландыя: Enya Cox Dempsey - Le Chéile
• Мальта: Ramires Sciberras - Stilla Ċkejkna

Букмекеры не прымаюць стаўкі на дзіцячае "Еўрабачанне". Аднак гэта не перашкаджае фанатам конкурсу ствараць рэйтынгі. Напрыклад, паводле вынікаў галасавання на сайце EurovisionWorld тройка фаварытаў выглядае так: Партугалія, Іспанія, Арменія. Украінскі спявак Арцём Каценка займае ў гэтым спісе чацвёртае месца — яго шанцы на перамогу таксама ацэньваюцца як высокія.

Дзе глядзець дзіцячае "Еўрабачанне-2024"

Конкурс можна будзе паглядзець у прамым эфіры, які арганізуюць самі арганізатары дзіцячага "Еўрабачання".

Прамы эфір пачнецца а 20:00 паводле беларускага часу. Падключыцца да трансляцыі і глядзець конкурс можна ў плэеры ніжэй. Удзельнічаць у галасаванні беларусы не змогуць — толькі тыя, хто зараз жыве ў краінах-удзельніцах дзіцячага "Еўрабачання".