Статкевіч пра затрыманне, новую вулічную акцыю і паліцаяў

Апазіцыйны палітык Мікалай Статкевіч, які ўчора выйшаў на волю пасля 5 сутак адміністрацыйнага арышту, анансаваў новую вулічную акцыю. Яе ён хоча правесці ў Мінску 3 ліпеня, напярэдадні правядзення ў нашай краіне Генеральнай асамблеі АБСЕ. Папярэднюю акцыю Статкевіч планаваў на 1 траўня, але быў прэвентыўна затрыманы і не змог яе арганізаваць (як і напярэдадні Дня Волі).

У чацвер, 4 траўня, Мікалай Статкевіч быў госцем жывога эфіру Еўрарадыё. Пагаварылі пра яго нядаўняе затрыманне, пра пяць сутак арышту, пра тое, ці ёсць сэнс сёння выводзіць людзей на вуліцы.