Міністр адукацыі: абітурыентаў адбіраем для працы ў рэальным сектары эканомікі
З правіламі ўступнай кампаніі 2023-га ў Беларусі збіраюцца вызначыцца да канца 2022 года. Пра гэта па выніках нарады ў Аляксандра Лукашэнкі заявіў міністр адукацыі Андрэй Іванец. Паводле яго слоў, Лукашэнка прызнаў, што нельга штогод праводзіць эксперыменты, паколькі пасля памылкі давядзецца выпраўляць на працягу дзесяцігоддзяў.
Галоўнае пытанне — лёс цэнтралізаванага тэставання. Ужо працяглы час чыноўнікі вырашаюць, "наколькі такая сістэма сёння эфектыўная і ў якой карэкціроўцы мае патрэбу". Удзельнікі нарады павінны да канца года ўнесці прапановы: "ці ў краіне захоўваюць існуючыя падыходы, ці ўводзяць неабходныя навацыі для таго, каб "убачыць абітурыента". Апошнія словы неаднаразова паўтараў Аляксандр Лукашэнка.
"Цэнтральны пытанне... — як нам справядліва адабраць абітурыента, які павінен прыйсці матываваным ва ўніверсітэт, — кажа міністр адукацыі. — Не проста для працэсу навучання, а для таго, каб у наступным працягнуць сваю працу ў рэальным сектары эканомікі нашай краіны".
