Міністр замежных спраў Літвы наведае Ліду, Нясвіж, Мір і Навагрудак

Міністр замежных спраў Літвы Вігаўдас Ушацкас 24-25 жніўня наведае Беларусь з прыватным візітам. Ён збіраецца аб'ехаць месцы гістарычнай спадчыны Вялікага княства Літоўскага — Ліду, Нясвіж, Мір і Навагрудак.
БЕЛТА адзначае, што ў панядзелак адбудзецца нефармальная сустрэча міністра замежных спраў нашай краіны Сяргея Мартынава са сваім літоўскім калегам.