Міністры абароны СНД абмяркуюць паветрана-касмічную абарону
Савет міністраў абароны СНД збярэцца сёння, 15 чэрвеня ў Маскве. На пасяджэнні плануецца разгледзець рэалізацыю Канцэпцыі ваеннага супрацоўніцтва дзяржаў — удзельніц СНД да 2020 года, распрацоўкі праекта Канцэпцыі паветрана-касмічнай абароны, падрыхтоўкі і правядзення армейскіх міжнародных гульняў.
Сярод іншага чальцы савета абмяркуюць дзейнасць Каардынацыйнага камітэта па пытаннях ваеннай адукацыі і ўзаемадзеянне службаў абароны дзяржаўнай тайны і сакрэтаў узброеных сіл краін Садружнасці. Таксама гаворка пойдзе пра развіццю супрацоўніцтва абаронных ведамстваў у галіне кантролю і ацэнкі радыяцыйнай, хімічнай і біялагічнай абстаноўкі. Чакаецца, што будзе вызначаны парадак ўтылізацыі засакрэчанай апаратуры апазнавання адзінай сістэмы дзяржаўнага радыёлакацыйнага апазнавання "Пароль", якая ўжываецца ў ВС краін Садружнасці.
