Моцны вецер і да - 15-ці: надвор'е на нядзелю
Зімовы Мінск / Еўрарадыё / Еўрарадыё
У нядзелю 22 студзеня ў Беларусі будзе пахмурна з праясненнямі, піша pogoda.by. Па паўночным захадзе краіны магчымы кароткачасовыя ападкі ў выглядзе дажджу і мокрага снегу, слабыя завіруха і галалёд.
Вецер паўднёвы, парывісты. Удзень — моцны парывісты. Уначы тэмпература паветра апусціцца да -3 па паўночным захадзе і да -15 па паўднёвым усходзе. У дзённыя гадзіны будзе -3+3, па ўсходзе — да -5.
У Мінску ў гэты дзень будзе воблачна і ветрана — парывы да 20 м/с. Уначы — да -10, днём — -5. Магчымыя ападкі.
