МУС выкарыстоўвае беспілотнікі для аховы папраўчых калоній
Карпянкоў стварыў ужо 10 атрадаў спецпрызначэння / тг-канал унутраных войскаў МУС
Для аховы папраўчых калоній Міністэрства ўнутраных спраў выкарыстоўвае беспілотнікі. Пра гэта на калегіі ведамства заявіў намеснік міністра — камандуючы ўнутранымі войскамі Мікалай Карпянкоў.
Таксама ён паведаміў, што ў краіне створана 10 атрадаў спецыяльнага прызначэння. Іх задачай Карпянкоў назваў сілавую падтрымку аператыўных супрацоўнікаў пры затрыманні небяспечных злачынцаў, а таксама контртэрарыстычныя дзеянні і барацьбу з незаконнымі ўзброенымі фармаваннямі.
Раней было вядома пра стварэнне дзевяці атрадаў спецпрызначэння — "Тарнада" (Ваколіца, Мінскі раён), "Смерч", "Гонар", "Рысь", "Беркут" (Мінск), "Шторм" (Брэст), "Тайфун" (Гродна), "Буран" (Гомель), "Цыклон" (Астравец, Гродзенская вобласць).
Унутраныя войскі актыўна выкарыстоўваліся ў задушэнні масавых пратэстаў не толькі ў 2020 годзе, але і ў ранейшыя гады.
