МВФ вырашыў адкласці дапамогу Грэцыі

МВФ на цяперашнім этапе не можа вылучыць дапамогу Грэцыі, бо яна не адпавядае неабходным крытэрам для выдачы новых пазык. Пра гэта напісала Financial Times, журналісты якой азнаёміліся ​​з "цалкам канфідэнцыйнай" справаздачай з пасяджэння праўлення фонду, якое адбылося 29 ліпеня. У МВФ лічаць, што ў Грэцыі занадта высокі ўзровень пазык і Афіны не выканалі ранейшыя абяцанні аб правядзенні рэформаў.

У дакуменце адзначаецца, што прадстаўнікі фонду працягнуць удзел у перамовах Еўрасаюза з Грэцыяй наконт дапамогі. Але МВФ прыме рашэнне пра фінансавую дапамогу не раней чым праз некалькі месяцаў, магчыма, у наступным годзе. Спярша фонд чакае, каб Афіны ўхвалілі правядзенне "ўсёабдымнага пакету рэформаў», а крэдыторы з краін еўразоны ўхвалілі фінансавую дапамогу, адзначае РБК.

Прадстаўнік Нямеччыны на пасяджэнні праўлення МВФ заявіў, што яго краіна хацела б, каб фонд прыняў рашэнне пра дапамогу адначасова з еўразонай. Іначай бундэстаг можа не пагадзіцца на выдачу крэдытаў Грэцыі.

На мінулым тыдні МВФ згарнуў ранейшую праграму дапамогі Грэцыі, бо вырашыў, што ў яе рамках Афінам нельга дапамагчы вярнуцца на рынак прыватных запазычанняў. Пасля гэтага ўлады Грэцыі звярнуліся да МВФ з просьбай пра новыя крэдыты.

Нагадаем, што ў сярэдзіне ліпеня Еўрасаюз пагадзіўся выдаць Грэцыі новы пакет фінансавай дапамогі ў 86 мільярдаў еўра. Наўзамен улады краіны мусілі ўзмацніць рэжым эканоміі.

Фота: РБК