МЗС Расіі спадзяецца на хуткае вызваленне расіянаў
Разгляд апеляцый расійскіх грамадзянаў, затрыманых 19 снежня ў Мінску, праходзіць у паскораным парадку.
Пра гэта сёння паведаміў дэпартамент інфармацыі і друку МЗС РФ, перадае РИА "Новости ".
Для забеспячэння прававой абароны і консульскай падтрымкі прадстаўнікі амбасады Расіі будуць прысутнічаць 27 снежня на пасяджэнні гарадскога суда пры разглядзе першых шасці апеляцый, — гаворыцца ў паведамленні.
МЗС разлічвае, што ўжо ў панядзелак будзе вызвалена першая група расіянаў.
Заўтра прадстаўнікі амбасады зноў наведаюць усіх, змешчаных пад адміністратыўным арыштам у ізалятарах Мінска, расійскіх грамадзян.
