МЗС рэкамендуе беларусам пакінуць Ліван

МЗС Беларусі праз амбасаду ў Сірыі заклікала нашых суграмадзян устрымацца ад паездак у Ліван. Тым, хто пражывае ці знаходзіцца цяпер у Ліване, рэкамендуюць пакінуць краіну камерцыйнымі авіярэйсамі.

Беларусам, асабліва тым, хто знаходзіцца ў паўднёвых рэгіёнах Лівана, пры немагчымасці вылецець з краіны рэкамендуюць пераехаць на больш бяспечныя тэрыторыі.

Амбасада раіць беларусам няўхільна прытрымлівацца рэкамендацый мясцовых уладаў, выконваць правілы асабістай бяспекі, заставацца ў кантакце з беларускімі дыпламатамі ў Сірыі.