На гэтым тыдні ў Беларусі будзе ўмерана цёплае надвор'е без ападкаў
На гэтым тыдні ў Беларусі прагназуецца ўмерана цёплае надвор'е без ападкаў. Пра гэта распавёў начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Дзмітрый Рабаў.
Па яго словах, цыклон, які прынёс дажджы, пакідае нашую краіну. Яго месца прыйдзе антыцыклон, які прынясе добрае надвор'е. З аўторка па пятніцу ў нашай краіне будзе пераважна без ападкаў. Па начах і зранку ў асобных раёнах краіны чакаецца туман.
Уначы ў аўторак тэмпература паветра будзе +6...+12 градусаў, удзень — ад 15 да 21 цяпла. У сераду ўначы прагназуецца 5-11 вышэй за нуль, удзень — 17-24 са знакам "плюс". У чацвер уначы абяцаюць +5...+12 градусаў, удзень — 19-26 цяпла, па паўднёвым захадзе — да 28 градусаў. У пятніцу ўначы будзе 8-14 вышэй за нуль, удзень — ад 20 да 27 цяпла.
У выходныя дні ў Беларусь прыйдзе вобласць паніжанага атмасфернага ціску і больш вільготная паветраная маса з Заходняй Еўропы. У асобных раёнах краіны чакаюцца кароткачасовыя дажджы, уначы і зранку слабы туман. У суботу слупок тэрмометра ўначы пакажа +8...+14 градусаў, удзень — 19-26 цяпла. У нядзелю ўначы будзе 8-14 вышэй за нуль, удзень паветра прагрэецца да 17-24 градусаў цяпла.
