На Гродзеншчыне застрэліўся салдат тэрміновай службы
Хлопец забіў сябе з табельнай зброі.
5 сакавіка застрэліўся салдат тэрміновай службы Гродзенскай памежнай групы. Пра гэтае трагічнае здарэнне Еўрарадыё паведаміў намеснік прэс-сакратара Дзяржаўнага памежнага камітэта Антон Бычкоўскі:
"Раніцай 5 сакавіка загінуў салдат тэрміновай службы. Ён праходзіў службу ў Гродзенскай памежнай групе. Па першых дадзеных, ён застрэліўся з табельнай зброі, калі знаходзіўся ў нарадзе. На месцы здарэння працуе следчая группа. Па гэтым факце ўзбуджана крымінальная справа".
Вядома, што загінуламу было 19 гадоў.
Варта адзначыць, што сёлета ў студзені ў Смаргоні скончыў жыццё самагубствам афіцэр цэнтра Інстытута памежнай службы.
Фота: bymedia.net
