На Кальварыйскай па людзях адкрылі агонь, параненая журналістка "Наша Нівы"
На вуліцы Кальварыйскай у Мінску па дэманстрантах адкрылі агонь, піша ў Telegram-канале "Наша Ніва". Пры гэтым была параненая журналістка НН Наталля Лубнеўская, яе забрала "хуткая дапамога". Паведамляецца, што агонь адкрылі людзі ў форме колеру хакі з моста на вуліцы Кальварыйскай.
Барыс Гарэцкі з БАЖ піша, куля гумовая.
Іншыя Telegram-каналы паведамляюць, што ў тым раёне чуваць выбухі — верагодна, сілавікі зноў выкарыстоўваюць святлошумавыя гранаты.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
