На кандытарскім камбінаце "Віцьба" адбыўся пажар
Увечары 9 жніўня на камунальным вытворчым унітарным прадпрыемстве "Кандытарскі камбінат "Віцьба" адбыўся пажар. Звесткі пра яго віцебскія ратавальнікі атрымалі ў 17.46.
Выявілася, што загаранне ўзнікла ў адміністрацыйным будынку. Агонь знішчыў дзвярны праём на тэхнічным паверсе будынка.
Прычына пажару высвятляецца.
