На каранцін зачынілася Мінская духоўная акадэмія
У сувязі з распаўсюдам каранавіруса на каранцін зачыніліся Мінская духоўная акадэмія і храм Свяціцеля Кірылы Тураўскага. Яны будуць зачыненыя да 10 траўня, паведамляецца на сайце Беларускай праваслаўнай царквы.
Заняткі ў акадэміі будуць праходзіць у дыстанцыйным рэжыме. Літургія ў храме будзе праходзіць па нядзелях без удзелу вернікаў.
Як распавядала Еўрарадыё, напярэдадні з праваслаўнага манастыра і духоўнай семінарыі ў Жыровічах у слонімскую лякарню даставілі 41 чалавека. Сярод іх 23 семінарысты трапілі пад нагляд дактароў як кантакты першага ўзроўню.
Таксама хворыя на COVID-19 і пнеўманію выяўленыя ў Свята-Елісавецінскім манастыры ў Мінску і сярод святароў Свята-Петра-Паўлаўскай царквы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
