На "Крычаўгрузаўто" працоўны тыдзень можа скласці адну гадзіну
ААТ "Крычаўгрузаўто" ўводзіць аднагадзінны працоўны тыдзень. Прычынай з'яўляецца адсутнасць працы, паведамляе БелаПАН.
Дырэктар аўтатранспартнага прадпрыемства, дэпутат Крычаўскага райсавета дэпутатаў Уладзімір Ільянкоў заявіў журналістам, што канчатковае рашэнне з гэтай нагоды яшчэ не прынятае. Па яго словах, усё стане вядома 26 верасня.
Дырэктар кампаніі не стаў расказаць журналістам аб планах па паляпшэнні сітуацыі на "Крычаўгрузаўто". Ільянкоў заявіў, што ўсё будуць вырашаць акцыянеры.
Тым часам крычаўскі журналіст Мікалай Гердзій паведаміў агенцтву БелаПАН, працоўны тыдзень даўжынёй у адну гадзіну на прадпрыемстве афіцыйна прызначаны загадам з 19 верасня. Паводле яго звестак, крычаўская кампанія будзе працаваць з 8-й да 9-й гадзіны раніцы па панядзелках.
Ён дадаў, што ААТ "Крычаўгрузаўто" плануюць аб'яднаць з крычаўскім філіялам "Аўтобусны парк № 3" ААТ "Магілёўаблаўтатранс".
