На кубкавым матчы “Дынама” (Брэст) — БАТЭ прысутнічалі 9200 заўзятараў

На кубкавым матчы “Дынама” (Брэст) — БАТЭ прысутнічалі 9200 заўзятараў. Каманда Уладзіміра Жураўля атрымала на стадыёне “Брэсцкі” ўпэўненую перамогу — 2:0.

“БАТЭ даўно з’яўляецца флагманам нашай краіны, з добрым падборам футбалістаў, — гаварыў на пасляматчавай прэс-канферэнцыі галоўны трэнер дынамаўцаў. — Мы ў пачатку шляху і ўжо агучвалі свае мэты і задачы на сезон. Адна з іх — аказаць супраціўленне і з часам заняць месца БАТЭ”.

Паўторны паўфінальны паядынак Кубка Беларусі пройдзе 26 красавіка на “Барысаў-Арэне”.