На мінскім стадыёне "Дынама" ўсталявалі кіназальныя крэслы (фота)

На мінскім стадыёне "Дынама" ўсталявалі кіназальныя крэслы з трымальнікамі кубачкаў для папкорна. Яны будуць з'яўляцца падчас футбольных матчаў у якасці лавак запасных (мабільных блокаў на колах), інфармуе сайт pressball.by.

21 чэрвеня стадыён "Дынама" будзе ўрачыста адкрыты пасля рэканструкцыі. Пачатак а 19-й гадзіне. Жывая трансляцыя — на тэлеканале "Беларусь 5". Як вядома, стадыён не футбольны, а лёгкаатлетычны. Аднак футбольныя матчы на ім будуць праходзіць.