На Ждановічах згушчонку прадаюць на сонцапёку (ФОТАФАКТ)
Тэмпература захоўвання прадукта — да +10 градусаў.
Банкі згушчанага малака і варанага згушчанага малака карэспандэнтка Еўрарадыё заўважыла на кірмашы Ждановічы. Прадукцыя прадаецца проста з асфальту і стаіць на самым сонцапёку пры 25 градусах цяпла. Між тым, згушчанае малако трэба захоўваць пры тэмпературы не болей за +10 градусаў.
Там жа на сонцапёку стаіць і алей. Яго вытворцы рэкамендуюць захоўваць ў зацемненым месцы. А адкрытую бутэльку — у халадзільніку.
