"Наша Ніва" сыходзіць з сацсетак "Вконтакте" і "Аднакласнікі"
"НН" сыходзіць з расійскіх сацсетак / pixabay.com
Сацсетка "Вконтакте" заблакавала старонку "Нашай Нівы" на тэрыторыі Беларусі. Як паведамляе выданне, гэта зроблена па патрабаванні Мінінфармацыі.
Як паведамляла Еўрарадыё, з 10 студзеня "Вконтакте" пачала блакаваць старонкі беларускіх СМІ і арганізацый, якія беларускія ўлады прызналі "экстрэмісцкімі".
"Пасля блакавання ў Беларусі мы спыняем публікацыі "Укантакце". А таксама ў "Аднакласніках" — гэта сацсетка належыць расійскай карпарацыі VK. Беларусам, якія працягваюць карыстацца гэтымі сацсеткамі, раім у мэтах бяспекі таксама адтуль сысці", — піша рэдакцыя "НН".
