Новым прэзідэнтам Туркменістана стаў 40-гадовы Сердар Бердымухамедаў
Новым прэзідэнтам Туркменістана стаў 40-гадовы Сердар Бердымухамедаў. 15 сакавіка аб'явілі вынікі прэзідэнцкіх выбараў, якія прайшлі тры дні таму. У Бердымухамедава — 72,97%, у іншых васьмі кандыдатаў — ад 1% да 11%. Яўка — 97,17%.
Бацька новага прэзідэнта 64-гадовы Гурбангулы Бердымухамедаў быў прэзідэнтам 15 гадоў, але ў лютым пасля падзей у Казахстане вырашыў "даць дарогу маладым кіраўнікам". Дагэтуль яго сын быў віцэ-прэм'ерам.
Апазіцыя паведамляе пра масавыя парушэнні на выбарах.
