Нямецкія сацыял-дэмакраты: Гвалт — не мова партнёрства
Сацыял-дэмакратычная партыя Нямеччыны звярнулася да Аляксандра Лукашэнкі з нагоды падзеяў 19 снежня ў Мінску.
Прадстаўнікі партыі збянтэжаныя гвалтам і арыштам соцень дэманстрантаў. Кіраўнік партыі Зігмар Габрыэль адзначае, што з трывогай даведаўся пра арышт Мікалая Статкевіча, які з’яўляецца старшынём Сацыял-дэмакратычнай партыі Беларусі.
Нямецкі палітык заклікае Лукашэнку адмовіцца ад пакаранняў і тэрмінова адпусціць усіх арыштаваных. “Збліжэнне з еўрапейскімі суседзямі грунтуецца на крытычным дыялогу паміж партнёрамі. Гвалт — не мова партнёрства”, — гаворыцца ў заяве.
