Па Мінску прабягуць 2 тысячы ўдзельніц "Beauty run"
Па Мінску прабягуць 2 тысячы ўдзельніц "Beauty run" ("Бегу прыгажосці"). Лёгкаатлетычны забег стартуе ў сераду а 12-й гадзіне на плошчы Незалежнасці. Як інфармуе БЕЛТА, працягласць трасы складае 2 км (разварот каля ГУМа) і 5 км (на плошчы Перамогі). Вынікі будуць фіксавацца электроннай сістэмай хронаметражу. З-за гэтай акцыі 8 сакавіка перакрыюць рух на асобных участках сталічных дарог.
А ў аўторак удзельніцам забегу пачалі выдаваць нумары, адбылася іх трэніроўка (на здымку).
