Па ўсім СНД, у тым ліку і ў Беларусі, расце колькасць нарказлачынстваў

Рост злачынстваў, звязаных з наркотыкамі, адзначаны ў краінах Садружнасці незалежных дзяржаваў. Такую выснову ўтрымлівае інфармацыйны бюлетэнь Статыстычнага камітэту СНД, дзе апублікаваныя параўнаўчыя дадзеныя па гэтых злачынствах за першае паўгоддзе 2008 года і аналагічны перыяд 2007 года.
Рост згаданых злачынстваў зафіксаваны ў Азербайджане - на 12%, у Беларусі і ва Украіне - на 6%, у Расіі - на 3%, у Таджыкістане - на 2%. У некаторых краінах СНД колькасць злачынстваў, звязаных з наркотыкамі, знізілася: у Арменіі - на 49%, у Кіргізіі - на 13%, у Малдове - 14%. У Казахстане колькасць парушэнняў засталіся такімі ж, як і летась.

Интерфакс