Падключэнне ацяплення ў Мінску завершыцца 6 кастрычніка
А 7 кастрычніка пачнуць распаветрыванне сістэм ацяплення — раней прэтэнзіі наконт праблемаў з ацяпленнем прымацца не будуць.
Такім чынам, як мінімум да панядзелка ў частку кватэр цяпло будзе падавацца не ў поўным аб’ёме, інфармуе БелаПАН са спасылкай на жыллёва-камунальныя службы сталіцы.
Між тым сярэднесутачная тэмпература паветра ніжэй за 8 градусаў рэгіструецца ў Мінску ўжо 10 дзён (з 25 верасня), пры гэтым ноч на 4 кастрычніка была самай халоднай сёлетняй восенню — мінус 1,4 градуса.
Ацяпленне ў жылых дамах горада пачалі ўключаць 2 кастрычніка, то бок, на восьмы дзень пасля падзення сярэднесутачнай тэмпературы ніжэй за +8 градусаў, хоць па нарматыве цяпло ўключаецца, калі такая тэмпература фіксуецца цягам пяці дзён.
