Памёр расійскі журналіст і блогер Антон Носік, “бацька рунету”
Памёр вядомы расійскі медыяменеджэр, журналіст і блогер Антон Носік. Пра гэта 9 ліпеня паведаміла “Эхо Москвы” са спасылкай на знаёмых Носіка. Смерць адбылася ў выніку сардэчнага прыступу ў ноч на нядзелю. Памерламу быў 51 год.
Антона Носіка часта называюць “бацькм рунету” — менавіта ён стаяў ля вытокаў расійскага сегмента інтэрнету і распачаў там першы расійскі блог “Вечерний Интернет”. Разам з Фондам эфектыўнай палітыкі Носік стварыў такія праекты, як “Газета.ру”, “Лента.ру”, “Вести.ру”, Newsru.com.
