Папа Рымскі прызначыў знешні аўдыт фінансаў Ватыкана
Працэдура праверкі фінансавай дзейнасці Ватыкана прызначаная Папам Рымскім Францішкам. Знешні аўдыт будзе ажыццяўляць кампанія PricewaterhouseCoopers, паведамляе ВВС.
Дзейнасць апарату Святога Прастола даўно выклікае нараканні з-за сваёй непразрыстасці. Нядаўна ў Італіі выйшлі дзве кнігі, якія раскрываюць некаторыя падрабязнасці фінансавых справаў Ватыкана. Яны прысвечаныя таму, як пантыфік спрабуе змагацца з Рымскай Курыяй — бюракратыяй каталіцкай царквы.
Францішак Першы вядомы сваім сціплым ладам жыцця. Напрыклад, ён дагэтуль жыве ў Ватыкане ў нумары гатэлю і не мае там уласнага жылля. Ён хоча бачыць касцёл “царквой для бедных”.
Знешні аўдыт праводзіцца ўпершыню ў гісторыі ў рамках абяцаных пантыфікам рэформаў кіравання касцёлам.
Фота: AFP
