Пасольства Беларусі ў Турцыі высвятляе, ці пацярпелі падчас тэракта беларусы
Да цяперашняга моманту пасольства Беларусі не мае дадзеных аб загінуўшых і пацярпелых грамадзянах Беларусі ў выніку выбухаў у Анкары, паведамляе Беларускае тэлеграфнае агенцтва.
“Рэкамендуем нашым грамадзянам пазбягаць месцаў збору людзей за межамі асноўных турыстычных маршрутаў”, — заяўляюць у МЗС.
Нагадаем, што сёння ў сталіцы Турцыі непадалёк ад чыгуначнага вакзала адбыліся два выбухі з інтэрвалам у 10 хвілін. Выбухі адбыліся калі, да вакзальнай плошчы сталі прыходзіць людзі для правядзення мітынга ў падтрымку мірнага ўрэгулявання курдскай праблемы.
Міністэрства ўнутраных спраў Турцыі паведамляе, што загінула 30 чалвек, 126 атрымалі раненні.
Улады краіны назвалі тое, што адбылося — тэрактам. Міністэрства ўнутраных спраў у сваёй афіцыйнай заяве асудзіла гэтыя напады, сказаўшы, што яны былі нацэлены “супраць дэмакратыі і міра ў Турцыі”.
У Анкары адбыліся выбухі: дзясяткі загінуўшых, сотні пацярпелых (фота, відэа)
