Паўночная Карэя раіць Беларусі забяспечваць эканамічныя і сацыяльныя правы народа

 

Паўночнай Карэі Беларусь рэкамендуе караць праваахоўныя органы за парушэнне правоў чалавека, працягваць ствараць грамадства, вольнае ад злачынстваў, і ствараць павагу да закона ў грамадстве.

 

Нам Паўночная Карэя раіць працягваць свае намаганні па забеспячэнні эканамічных і сацыяльных правоў народа, нягледзячы на сусветны фінансавы крызіс. І працягваць працу па падвышэнні статуса жанчын у грамадстве.

 

Кубе мы раім працягваць працу сярод міжнароднай супольнасці, каб тая адмовілася ад аднабаковых санкцый, у тым ліку незаконнай блакады "выспы свабоды". Куба прыняла да выканання. Нам жа наказвае працягваць абараняць сацыяльныя і культурныя правы неабароненых слаёў насельніцтва. І скарачаць колькасць дзяцей, якія засталіся без бацькоў.

 

Венесуэла і Беларусь правы чалавека разумеюць па-свойму. Мы, як абарону дзяцей, у тым ліку бяздомных, і змаганне супраць гандлю людзьмі. Таму і раім венесуэльцам распрацаваць дзяржпраграмы ў гэтай галіне. Для Венесуэлы правы чалавека — гэта паспяховая сацыяльная палітыка.

 

Кітаю мы нічога не раім. Яны ж нам прапануюць працягваць міжнароднае супрацоўніцтва ў галіне правоў чалавека, але, зважаючы на нацыянальную сітуацыю. І працягваць замацоўваць гарантыі правоў жанчын.

 

Літве раім узмацніць дзяржпалітыку, накіраваную на забеспячэнне міжнацыянальнай згоды і культурнай адукацыі. А таксама расследаваць таемнае ўтрыманне пад вартай людзей, пра гэтыя факты раней паведаміў "Вікілікс". Яшчэ адзін пункт — барацьба з гандлем людзьмі. Першую параду Літва прымае, на другія дзве дае агульны адказ.

 

Беларусі Літва дае больш парадаў. Сярод тых, якія Беларусь прыняла: 

 

Працягваць дзейнасць у забеспячэнні правоў жанчын і гендэрнай роўнасці. Распрацаваць спрыяльныя умовы для дзейнасці НДА і палітычных партый, у тым ліку спрасціць рэгістрацыю. Абарона журналістаў і стварэнне спрыяльных умоваў для працы свабодных СМІ, у тым ліку спрашчэнне рэгістрацыі і акрэдытацыі. Пашырыць супрацоўніцтва з органамі ААН, у прыватнасці рэалізацыі іх рэкамендацый і рашэнняў.

 

 

Аб неабходнасці рэалізацыі выбарчага заканадаўства згодна з міжнароднымі стандартамі АБСЕ. Увесці мараторый на смяротнае пакаранне, з мэтай поўнай адмены. Спрашчэнне выдачы дазволаў для правядзення сходаў.

 

Польшчы даём цэлых 7 парадаў. Насупраць усіх стаіць — прынята.

 

Раім актывізаваць меры па барацьбе з праявамі антысемітызму і расізму, у тым ліку з боку паліцыі. Правесці усебаковае расследаванне прымянення празмернай фізічнай сілы супрацоўнікамі паліцыі да ўдзельнікаў дэманстрацый, якія праходзілі ў Польшчы ў лістападзе 2011 года. Правесці комплекснае расследаванне ўсіх парушэнняў правоў чалавека ў кантэксце барацьбы з тэрарызмам. У тым ліку саўдзел польскіх уладаў у таемным утрыманні пад вартай асобаў, іх сакрэтнай перадачы і прымяненні катаванняў да іх.

 

Польшча дае тры кароткія парады — каб усе, у тым ліку праваабаронцы, маглі мірна рэалізоўваць сваё права на меркаванне і сходы, адмяніць крымінальную адказнасць за дзейнасць ад імя незарэгістраванай арганізацыі і спрасціць рэгістрацыю арганізацый. А таксама гарантаваць праваабаронцам, партыям, прафсаюзам магчымасць працаваць без рэпрэсій, абмежаванняў, судовага пераследу і запалохвання. Насупраць усіх стаіць пазнака — "Accepted".

 

Фота: topwar.ru