Паводле росту курсу долара Беларусь выйшла на 2-е месца сярод экс-рэспублік СССР
Курс долара адносна беларускага рубля ў лютым вырас больш чым на 6% / Ілюстрацыйнае фота pixabay.com
У лютым Беларусь заняла другое месца паводле росту курсу долара сярод краін — былых рэспублік СССР. Рост склаў больш за 6%, піша рэсурс "Позірк". Горш ідуць справы толькі ў Расіі (+8,39%).
А калі глядзець з пачатку года, то ў Беларусі — 3-е месца. За студзень-люты курс долара адносна беларускага рубля вырас на 2,62% (з 2,7364 да 2,80 рубля)
Хутчэй долар рос у Расіі ( на 7,24%) і ў Таджыкістане (на 6,99%). Прыкметна, але ўсё ж не так моцна долар падаражэў за гэтыя два месяцы ў Кыргызстане (на 2,03%). Трохі (менш за працэнт) аслаблі мясцовыя валюты ва Узбекістане, Латвіі, Літве і Эстоніі. Зусім не змяніўся афіцыйны курс амерыканскай валюты ў Азербайджане, Туркменістане і Украіне. А ў Арменіі, Малдове, Грузіі і Казахстане долар нават патаннеў. Прычым у Грузіі і Казахстане — амаль на 3%.
