Пенсіі за 17 красавіка ў Беларусі выплацяць датэрмінова
Пенсіі і дапамогі за 17 красавіка (Радаўніцу) РУП "Белпошта" выплаціць датэрмінова. Пра гэта паведамляецца на афіцыйным сайце прадпрыемства.
Выплаты ў паштовых аддзялення Мінска прызначаныя на 13 красавіка; ва ўсіх паштовых аддзяленнях Брэсцкай, Віцебскай, Мінскай і Магілёўскай абласцей, у сельскіх аддзяленнях Гомельскай і Гродзенскай абласцей — з 14 красавіка; у аддзяленнях Віцебска і гарадскіх аддзяленнях Гомельскай і Гродзенскай абласцей — 16 красавіка.
17 красавіка будуць працаваць толькі дзяжурныя паштовыя аддзяленні.
Аб рэжыме працы паштовых аддзяленняў можна даведацца ў Саll-цэнтры РУП "Белпошта" па нумары 154.
