"Пераабуцца паспееце?": У Мінску з'явілася палітычная інсталяцыя з абутку

У мінскім мікрараёне "Чыжоўка" з'явілася палітычная інсталяцыя з абутку. Яна прысвечаная "пераабуванню" — змене палітычнай пазіцыі ў залежнасці ад абставінаў — і тым апраўданням, якія людзі будуць прыдумляць для сваіх учынкаў, за якія ім стане сорамна.

Кожнай пары абутку адпавядае свой подпіс-апраўданне. Напрыклад: "Ідэолаг — гэта проста праца", "Я наогул заўсёды была за перамены", "Разумееце, на мяне ціснулі, а ў мяне крэдыты!", "Ну мы ж не думалі, што так усё скончыцца", "Паабяцалі кватэру, як я мог адмовіць?".

Інсталяцыя сканчаецца надпісам: "Пераабуцца паспееце?".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.