Польская кідальніца дыска зламала нос суперніцы з Украіны (фота)
Наталля Сямёнава атрымала пералом носа падчас чэмпіянату свету па лёгкай атлетыцы ў Маскве.
Сямёнава атрымала траўму ў сектары для кідання дыска, калі спартсменка з Польшчы Жанета Гланц выпадкова ўдарыла ўкраінку па твары, імітуючы кідок дыска. У руцэ ў яе быў спартовы снарад, якім Гланц і ўдарыла Сямёнаву падчас размінкі.
Сямёнавай аказалі дапамогу медыкі, пасля чаго яна выйшла ў сектар для кідання дыска, але здолела кінуць снарад толькі на 55,79 метра пры асабістым рэкордзе ў сезоне ў 61,41 метра. У выніку Сямёнава заняла 23 месца ў кваліфікацыйным раўндзе і працягнуць барацьбу за медалі чэмпіянату свету па лёгкай атлетыцы не змагла.
