Пра план “Перамога”, завочныя прысуды і “свята выбараў” — эфір
Аляксандр Ракіцкі і Аляксандр Азараў / Еўрарадыё
Лукашэнкаўская сістэма працягвае паказальна “караць” тых цяпер ужо былых супрацоўнікаў сілавых структур, якія адмовіліся браць удзел у рэпрэсіях супраць беларускага грамадства. На тэрмін ад 12 да 25 гадоў зняволення завочна асудзілі так званыя “суддзі” заснавальнікаў ініцыятывы ByPOL, звёўшы ў адну справу тых, хто цяпер ужо разам і не працуе. Адначасова рэжым робіць усё магчымае, каб падчас чарговай спецвыбарчай аперацыі нічога нават блізка не магло нашкодзіць планам па прызначэнні “дэпутатаў”.
Чым кіруюцца “сілавікі” ў сваіх дзеяннях і ці сапраўды Лукашэнка ўжо не можа спыніць машыну рэпрэсій? Якія небяспекі для беларускіх палітвязняў існуюць у лукашэнкаўскіх турмах і калоніях? Як змянілася праца каманды ByPOL і якія задачы найперш ставяць яны перад сабой? На гэтыя ды іншыя пытанні ў эфіры Еўрарадыё адказваюць кіраўнік аб’яднання былых сілавікоў BELPOL Аляксандр Азараў і новы, пакуль не названы сябра каманды.
