Пракурор хоча адправіць Марын Ле Пэн у турму (і забараніць балатавацца)

Парыжскі пракурор запатрабаваў асудзіць лідарку крайне правых французскіх сіл Марын Ле Пен да пяці гадоў турэмнага зняволення. Ле Пэн абвінавачваюць у незаконным фінансаванні партыі. Яшчэ адно патрабаванне пракурора — забараніць палітыку займаць палітычныя пасады.

Калі суд пагодзіцца з патрабаваннямі пракурора, гэта пазбавіць Ле Пэн магчымасці балатавацца на пасаду прэзідэнта ў 2027 годзе.

Яе і яшчэ больш за 20 іншых высокапастаўленых членаў партыі абвінавачваюць у тым, што яны наймалі памочнікамі еўрапейскіх парламентарыяў членаў сваёй партыі. Але па дадзеных абвінавачвання, нанятыя памочнікі рэдка бывалі ў парламенце ЕС, не гралі ў яго працы прыкметнай ролі, а выконвалі партыйныя задачы. Плаціў жа за гэта Еўрапарламент.

Ле Пен сцвярджае, што парламенцкія памочнікі натуральным чынам ўцягнутыя ў палітыку, паколькі менавіта гэта першапачаткова прыцягнула іх да такой працы.

Ле Пен адмаўляе абвінавачванні. Яна назвала запытаны прысуд "абуральным" і абвінаваціла пракурора ў спробе разбурыць яе партыю.

"Я думаю, што мэта абвінавачвання-пазбавіць французаў магчымасці галасаваць за тых, за каго яны хочуць", — заявіла яна пасля слуханняў у Парыжы.

На апошніх прэзідэнцкіх выбарах 2022 года Ле Пен пацярпела паразу ад Эмануэля Макрона. Дзеючы прэзідэнт перамог, набраўшы 58,55% галасоў. За Ле Пен прагаласавалі 41,45% французаў.