Прапагандыст Азаронак трапіў ва ўкраінскую базу "Міратворац"
Журналіста тэлеканала СТБ Рыгора Азаронка ўнеслі ва ўкраінскую базу "Міратворац". Там публікуюцца звесткі людзей, якія лічацца ворагамі Украіны.
Азаронка вінавацяць у адмаўленні расійскай агрэсіі, антыўкраінскай прапагандзе, перавышэнні службовых паўнамоцтваў, умяшанні ў справы Украіны і распаўсюдзе крамлёўскай прапаганды.
Верагодна, адной з прычын такога рашэння стаў нядаўні тэлесюжэт, у якім Азаронак назваў Украіну краінай жабрацкага і выміраючага народа. "Яны распрадалі ўсю краіну: зямлю, заводы, парты. Яны ператварылі квітнеючую краіну ў пірацкі бандэрастан. Вашых дзяцей таварнымі маштабамі прадаюць на органы, а дзяўчат ледзь не афіцыйна пастаўляюць у еўрапейскія бардэлі", — вяшчаў тэлепрапагандыст.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
