Прайшло лёсаванне 1/2 фіналу футбольнага Кубка Беларусі
18 сакавіка ў Мінску ў Доме футбола прайшло лёсаванне 1/2 фіналу футбольнага Кубка Беларусі. "Іслач" згуляе з салігорскім "Шахцёрам", "Віцебск" — з мінскім "Дынама". Першыя матчы прызначаныя на 10 красавіка, другія — на 1 траўня. Аднак у гэты дзень на стадыёне "Дынама" ў Мінску пройдзе канцэрт Аляксандра Саладухі.
Фінальны матч адбудзецца 26 траўня ў Віцебску.
Як адзначае прэс-служба АБФФ, у выпадку нічыйнага выніку па суме двух паўфінальных матчаў будзе дзейнічаць правіла выязнога гола.
Нагадаем, у чвэрцьфінале "Іслач" спыніла БАТЭ.
1/4 фінала #КубакБеларусі гульні ў адказ. Трэці гульнявы дзень.#ЛюбіСвойФутбол #Віцебск2019 pic.twitter.com/6IVUkvYqHI
— АБФФ (@BelFootFeder) 17 марта 2019 г.
