Прэм'ер Вялікабрытаніі абяцае, што не будзе вылучацца на трэці тэрмін
Бо прыйдзе час для новых лідараў, кажа Кэмеран.
Прэм'ер-міністр Вялікабрытаніі Дэвід Кэмеран ідзе на выбары сёлета 7 траўня. Пры ўдачным галасаванні гэта будзе другі яго тэрмін на пасадзе кіраўніка ўрада. Палітык заявіў, што ў выпадку перамогі ён не стане вылучаць сваю кандыдатуру ў трэці раз.
"Гэта будзе час для новых лідараў", — перадае ВВС словы Кэмерана.
Лідар Партыі кансерватараў займае пасаду прэм'ера з 11 траўня 2010 года.
Фота — sharij.net
