Прэзідэнт ЗША распавёў, для чаго адпраўляе ў Дахау сваіх дзяцей і ўнукаў

Калі дзецям і ўнукам прэзідэнта ЗША Джо Байдэна спаўняецца 15 гадоў, ён адпраўляе іх у былы канцлагер Дахаў ў Германіі. Пра гэта амерыканскі прэзідэнт згадаў на сустрэчы са студэнтамі і выкладчыкамі ўніверсітэта Канэктыкута, паведамляе CNN.

Байдэн выступіў у універсітэце з прамовай, якая была прысвечана афіцыйнаму далучэнню ЗША да Рады ААН па правах чалавека.

Па словах прэзідэнта, візіты ў Дахау можна лічыць іх сямейнай традыцыяй. Візіты патрэбныя для таго, каб яго родныя не толькі ўбачылі на свае вочы злачынствы нацыстаў, але і даведаліся пра абыякавасць звычайных людзей.

"Я хацеў, каб яны ўбачылі выдатныя дамы, якія стаялі прама ў лініі плота, з іх прыгожымі стрэхамі. Людзі, якія жывуць там, разважалі: "Гэта не я, я гэтага не раблю. І я не ведаю, што там адбываецца на самай справе"... Я хацеў, каб яны ўбачылі, што здольнасць чалавечага розуму рацыяналізаваць нельга недаацэньваць", — заявіў Байдэн.

Прэзідэнт ЗША таксама адзначыў, што ўрок Нюрнбергскага працэсу заключаўся ў пошуку і дакументаванні ісціны, каб яе ніколі нельга было адмаўляць.

Дахау быў адным з першых канцлагераў, які быў створаны ў Германіі пасля прыходу да ўлады Адольфа Гітлера. Там загінулі да 70 тысяч чалавек.