Прыквел "Гульні тронаў" "Доўгая ноч" адмянілі, але будзе "Дом цмокаў"
Кіраўніцтва тэлеканала НВО адмяніла праект здымак прыквела папулярнага серыяла "Гульня тронаў", які атрымаў назву "Доўгая ноч". Летам па сцэнары Джэйн Голдман у Паўночнай Ірландыі была знятая пілотная серыя. Але кіраўніцтва тэлеканала яна не ўразіла. Паводле сцэнару, дзеянне прыквела адбывалася за тысячу гадоў да падзеяў "Гульні тронаў". Анансавалася першая бітва людзей з белымі хадакамі. Аднак усё гэта ўжо не актуальна.
Як інфармуе meduza.io, НВО зрабіў стаўку на іншы прыквел — "Дом цмокаў". Яго дзеянне адбываецца за 300 гадоў да падзеяў "Гульні тронаў". У цэнтры ўвагі — дынастыя Таргарыенаў. Сцэнар для 10 серый замовілі Раяну Кондалу і Джорджу Марціну. Менавіта Марцін і з'яўляецца аўтарам рамана, паводле якога і быў зняты серыял "Гульня тронаў" пра барацьбу за ўладу на прыдуманым кантыненце.
#HouseOfTheDragon, a #GameofThrones prequel is coming to @HBO.
— Game of Thrones (@GameOfThrones) 29 октября 2019 г.
The series is co-created by @GRRMSpeaking and Ryan Condal. Miguel Sapochnik will partner with Condal as showrunner and will direct the pilot and additional episodes. Condal will be writing the series. pic.twitter.com/9ttMzElgXm
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
