Расія чакае ад Беларусі дапамогі ў барацьбе з карупцыяй
Расійскі прэм'ер-міністр Дзмітрый Мядзведзеў даручыў МУС і МЗС Расіі правесці перамовы з адпаведнымі органамі Беларусі.
Па іх заканчэнні будзе падпісаная дамова паміж урадамі дзвюх краін пра павышэнне эфектыўнасці супрацоўніцтва ў сферы барацьбы з карупцыяй, інфармуе РБК.
У праекце дамовы адзначаецца, што выкліканыя карупцыяй праблемы ўяўляюць сур'ёзную пагрозу для стабільнасці і бяспекі абедзвюх дзяржаваў і наносяць шкоду ўстойліваму развіццю і правапарадку.
У рамках супрацы праваахоўныя органы Беларусі і Расіі змогуць наўпрост абменьвацца інфармацыяй пра карупцыйныя правапарушэнні, звесткамі пра асобаў, якіх падазраюць і абвінавачваюць у здзяйсненні карупцыйных правапарушэнняў, а таксама звесткамі пра нажытыя карупцыянерамі маёмасць і прыбыткі.
Дамова не датычыць выдачы падазраваных і абвінавачваных у карупцыі.
Фота — bishelp.ru
