Расіянін скраў у Баранавічах больш за 850 пар абутку
За гэтае злачынства 25-гадовага жыхара Санкт-Пецярбурга асудзілі на 3,5 гады пазбаўлення волі.
Як інфармуе БелаПАН, расіянін прыехаў у госці да бабулі ды ў чэрвені мінулага года ў Баранавічах дапамагаў разгружаць абутак у гараж, які арандавала прыватная гандлёвая фірма. Пазней ён туды вярнуўся, праламіў дах, пасля і сцяну гаража ды скраў 852 пары мужчынскага, жаночага і дзіцячага абутку на агульны кошт больш за 157 млн рублёў.
Калі зламысніка затрымалі, ён паспеў прадаць больш за палову абутку.
Фота — Fotolia
