Расійскае войска не гатовае да барацьбы з іншапланетнымі цывілізацыямі
Таксама наземныя комплексы кіравання касмічнымі апаратамі Мінабароны Расіі не збіраюцца сачыць за НЛА.
Паводле слоў Сяргея Беражнога, памочніка начальніка Галоўнага выпрабавальнага касмічнага цэнтра Расіі імя Цітова, такая задача яшчэ не ставілася. Але "для барацьбы з іншапланетнымі цывілізацыямі мы пакуль яшчэ не гатовыя", бо "на Зямлі шмат праблемаў і каля Зямлі", — заявіў ён.
Як адзначае Delfi, войскі паветрана-касмічнай абароны Расіі заступілі на баявое дзяжурства 1 снежня 2011 года. Гэта прынцыпова новы род войскаў, які быў створаны на базе касмічных войскаў, якія спынілі сваё існаванне, а таксама войскаў супрацьпаветранай і супрацьракетнай абароны. Мяркуецца, што сістэма дазволіць перахопліваць любыя ракеты, у тым ліку і гіпергукавыя.
