Расійская праваабаронца: Стан здароўя Саўчанка здавальняючы
Стан здароўя украінскай лётчыцы Надзеі Саўчанка, якая два дні таму абвясціла сухую галадоўку, застацца здавальняючым. У гэтым упаўнаважаная па правах чалавека ў Расіі Эла Памфілава запэўніла сястру лётчыцы Веру.
Як паведамляе ВВС са спасылкай на адваката ўкраінкі Мікалая Полазава, за Надзеяй Саўчанка вядзецца пастаянны візуальны кантроль, ёй мераюць артэрыяльны ціск. На дадзены момант не прымяняецца прымусовае кармленне і ўвядзенне вадкасці. Ужо сфармаваная група ўкраінскіх лекараў для абследавання жанчыны, але яшчэ не ўзгодненая дата іх допуску.
Надзея Саўчанка абвясціла сухую галадоўку пасля таго, як на пасяджэнні суда ў расійскім горадзе Данецку ёй не далі апошняга слова. Насуперак чаканням, суддзя вырашыў перанесці пасяджэнне на 9 сакавіка.
Саўчанку абвінавачваюць у спрычыннасці да смерці расійскіх журналістаў Ігара Карнелюка і Антона Валошына, якія загінулі 17 чэрвеня 2014 года ў Луганскай вобласці Украіны. Паводле следства, Саўчанка з вышкі навяла артылерыйскі агонь на мірных жыхароў каля пасёлка Металіст. Пад гэтым агнём і загінулі супрацоўнікі расійскага дзяржаўнага тэлебачання.
Сама лётчыца адмаўляе абвінавачанні. Яе абарона даказвала, што яна трапіла ў палон да таго, як загінулі журналісты, а абстрэл вялі ўзброеныя баевікі “ЛНР”.
