Рэферат па рускай літаратуры — як пакаранне для падлеткаў у Пінску
У мясцовым райвыканкаме адбылося паседжанне камісіі па справах непаўнагадовых, на якім выносіліся пастановы аб пакаранні падлеткаў-правапарушальнікаў.
Да аднаго 15-гадовага юнака, якога праваахоўнікі заспелі нецвярозым на вуліцах горада, ужылі незвычайнае пакаранне. Ён мусіць напісаць рэферат па творчасці рускага паэта Аляксандра Пушкіна. Акрамя таго, бацькоў хлопца абавязалі заплаціць 130 тысяч рублёў штрафу, паведамляе тэлекампанія “Варяг”.
Фота з сацыяльных сетак.