Рэктар БДУКМ Наталля Карчэўская — на бальнічным, прарэктар была на каранціне
Наталля Карчэўская / фота з сацсетак
Студэнты БДУКМ скардзяцца, што не могуць пагаварыць з рэктарам Наталляй Карчэўскай.
— Пасля падпісанага чароўным чынам загаду аб адлічэнні хлопцаў увесь рэктарат знік — на бальнічны! Нам кажуць, што рэктар — кантакт першага ўзроўню. Яна неяк паспела падпісаць загад аб адлічэнні — і ўсё, — расказвае Еўрарадыё студэнтка БДУКМ Паліна.
Па падрабязнасці мы патэлефанавалі ў прыёмны пакой рэктара БДУК Наталлі Карчэўскай.
— Наталля Уладзіміраўна на бальнічным. Калі выйдзе — пакуль не ведаем. На гэтым тыдні дакладна мы яе не ўбачым, — адказваюць Еўрарадыё ў прыёмным пакоі рэктара.
Але рэктарат універсітэта пры гэтым не паралізаваны. Пра гэта нам расказаў выканаўца абавязкаў рэктара Віктар Языковіч.
— Прарэктар па выхаваўчай працы выйшла з каранціну, яна на працоўным месцы. Прарэктар па агульных пытаннях таксама на працы. Так што гэта нейкія чуткі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
