92-гадовая брытанка зрабіла сабе тату ў гонар мужа (фота)
Жыхарка горада Дорсэт Уініфрэд Тэрнер стала самай пажылой брытанкай, якая зрабіла сабе тату.
Яна прысвяціла малюнак памяці свайго памерлага мужа, перадае сайт podrobnosti.ua. На малюнку — два сэрцы, адно з якіх разбітае. Усярэдзіне яго напісаныя ініцыялы мужа Тэрнер Джыма, які памёр тры гады таму на 90-м годзе жыцця. На другім сэрцы выбітыя ініцыялы самой Уініфрэд.
Гэта ўжо трэцяя наколка, якую жанчына вырашыла зрабіць сабе на руку. Першая з іх таксама прысвячалася памерламу Джыму. Другая тату Тэрнер зробленая ў выглядзе бранзалета з ініцыяламі яе ўнукаў і праўнукаў.
Брытанка кажа, што захопленая наколкамі, і не выключае, што ў будучыні працягне рабіць сабе на целе памятныя надпісы.
